Як і кожны ў маёй старане,
Я багацце нязмернае маю.
Ды не ў грошах,
Не ў золаце - не!
У любові да роднага краю
А. Вольскі
Сціхлі акорды выпускнога балю. Вучні нашай установы адукацыі "Сярэдняя школа 3 г. Кобрына" зрабілі свой першы крок да самастойнага жыцця. Сярод выпуснікоў 2023 года была каманда краязнаўцаў.
Мае дарагія вучні, мы з вамі правялі цудоўна час, даведаліся шмат новага і цікавага, падарылі адзін аднаму памятныя і прыемныя моманты, радасныя эмоцыі, калі сустракаліся на занятках краязнаўчага аб'яднання "Бацькаўшчына", бралі ўдзел у конкурсах, у раённых і рэспубліканскіх злётах юных краязнаўцаў, у іншых рэспубліканскіх і міжнародных мерапрыемствах.
Вы, Анцута Ганна, Бобрышава Маргарыта, Дземчык Наталля, Ляўчук Ганна, Пархоменка Ліяна, Прохараў Савелій, Рубель Кірыл, сталі пераможцамі шматлікіх конкурсаў. За 7 год нашай плённай працы атрымалі 196 дыпломаў і грамат, сярод якіх ёсць Дыпломы Міністэрства адукацыі Рэспублікі Беларусь (Прохараў Савелій - 8, Дземчык Наталля - 7, Анцута Ганна - 2).
Дзякуючы і вашай адказнай, упартай, натхнёнай працы нашаму этнаграфічнаму музею "Спадчына", у якім большасць з вас былі экскурсаводамі, у студзені 2022 года прысвоены статус "Народны".
Вы лепшыя з лепшых! Дзякуй вам за павагу да гісторыі і культурнай спадчыны беларускага народа.
Хай усе вашы ідэі ажыццяўляюцца, будзьце ўпэўненыя ў сабе, распраўляйце крылы і, шчаслівыя, ляціце да сваёй мары!
В.А. Карунас, кіраўнік "Народнага" этнаграфічнага музея "Спадчына"
раскрыть » / « свернуть