21 лютага – Міжнародны дзень роднай мовы

Толькі праз родную мову чалавек можа стаць беларусам, бо ў ёй хімія і фізіка, гісторыя і батаніка, эканоміка і культура таго, што называецца нацыяй, народам.
Янка Сіпакоў

21 лютага ўвесь свет адзначае Міжнародны дзень роднай мовы. Гэта дата была ўстаноўлена ЮНЕСКА ў 1999 годзе з мэтай захавання і развіцця моўнай разнастайнасці і шматмоўя. Родная мова – гэта частка нашага культурнага і духоўнага багацця, яна фарміруе нашу самасвядомасць і адрознівае нас ад іншых народаў.

21 лютага 2025 г. у рамках Дня роднай мовы піянеры дружыны імя А. М. Мартынава (дзяржаўнай установы адукацыі “Сярэдняя школа № 3 г. Кобрына”) сумесна з членамі вучнёўскага самакіравання правялі акцыю "Я люблю Беларусь! 🇧🇾  Беларусь - гэта мы!"

Мерапрыемствы

Сэрцам дакрануцца да Радзімы… Ці гэта не вялікае шчасце? Жыць на зямлі, дзе ты нарадзіўся, вырас, дзе прайшло тваё дзяцінства, дзе сустрэў першае каханне, дзе гучыць родная мова.
21 лютага 2025 г. у рамках Дня роднай мовы на перапынках для вучняў і настаўнікаў школы прайшлi мерапрыемствы: музычны батл "Душа Беларусi - родная мова", віктарына “Сакрэты роднай мовы”, а таксама конкурс выразнага чытання “Адкрываю, як свет, нанова беларускае роднае слова". На працягу дня кожны жадаючы змог даведацца больш пра беларускую мову, наведаўшы інфармацыйны стэнд “Цікава пра словы, цікава пра мову…”. Перапынкi сабралi не толькі хлопчыкаў і дзяўчынак, але і дарослых, і кожны яшчэ раз упэўніўся, якая прыгожая, мілагучная, цікавая наша родная беларуская мова!